.
© Maler-Galerie-Ulrich
Ahrweiler Mundart
Alt-Ahrweiler
Startseite
Autoren

Nischalke, Margret

Cresskinche

Dä Wunschzeddel

-

Eine Aufgabe des Heimatvereins "Alt-Ahrweiler" ist es das heimatliche Brauchtum zu pflegen. Dazu gehört natürlich auch die Sprache, die Mundart.
Innerhalb eines Projektes der Aloisius-Grundschule Ahrweiler hat Gisbert Stenz Grundschülern die Anwendung Oos Motteprooch näher gebracht.

Im Rahmen dieses Projekt liest Margret Nischalke aus ihren Buch "Oos Ahweile Platt" die Geschichte:

"Wie et Chresskinche zwei mol kom"
Dat Jeschichje wat ech he vezälle, hät sech füe rond hondet Johr, am Aanfang vom
20. Johrhondet en de Kendheit von mengem Vatte avjespillt.
Meng Jroßeldere hatten en de Niddehot e klein Krämeläädche, su nannt me die Tante Emma Läädche domols. Newwenbei hät menge Jruußvatte als Jeadne jearbeit on beim Ehrenwall on bei andere bessere Löck de Bäum jeschnedde.
Meng Oma hat bei ihrem Lade noch der jruuse Houshalt ze vesorje. Owends hät se off bes spät en de Naach, jenäht on jestrick, jestopp on jeflick, dat ihr 10 Pänz, 4 Jonge on 6 Mädche, öandlech aanjedoon woaren. Jruus Spröng konnten se kein maache. Et Jeld hät jrad füe et nüdichste jelangk, do blev nöüs mie üwwerisch füe deure Spillkrom, Nou hatt meng Juußmotte en reich Tant en Kölle wunne. Die hat e jruuß Hezz füe Kende, on die hatt ihre Spass dran, die Spillsaache die die Pänz sech wünschten enzekaufe on jedes Johr füe Chressdaach e jruuß Paket noh Ahweile ze schecke.
Doch en demm eine Johr woa kein Paket von der Köllche-Tant aankunn, on de Weihnachtsdesch sohch zemlesch maare ous. Wie die Pänz am Weihnachtsmorje ous de Chrressmett kome on en et Wunnzemme störmte, sohch me nue lang Jesiichte.
Do woa keine Fooßball on kein Peadsfuhrwerk. On och net dat heißäsehnte Pöppche, der Boukaste, der Hampelmann on der Dilledopp. Noch net ens e Bildebooch, ode e Molbooch met Färvje.
Newwisch de Tellere met Plätzje, Äppel on Nöss woaren nue e paa Saache fue aanzedoon wie Schlüffje, Strömp on Leivje, Mötze, Schals on Hännsche on, esu ene Krom. Die Pänz kickten zemlech betrodde dren, on de Weihnachtsledche wollten janet richtich klinge. Nue die zwei Jöngste han staunend met jruuse Aure de Weihnachtsbaum aanjestrahlt.
Menge Oma däät et en de Siil wieh, wie se die Entäuschung von de Kende sohch on se saat trüüstend: "Vleesch hät et Chresskinnche net de Kier krääch, dat hatt jo esuuu vill ze doon jetz vüe Weihnachte".
On de Opa meint: "Ode ihr set net brav jedoch jewäse, üwweläächt ens wat ihr alles jelapp hat in de letzte Zeit ".
Do heelten die Pänz Jewissensäforschung on daachten reuich üwwe ihr Schantate noh. Et Kätha hatt emme jemoult, wenn et affdrüje moht, on et Änn hat net ob dat klein Schwesteche objepass. Do woa dat Angnessje de Trapp erav jeballisch on hat ene decke Dotz am Kopp. Menge Vatte hatt met sengem Brode em Höffje Mäatesdaach jespillt on Feueche jestoch on dobei jesonge: "Semme nonet al die Niddehöde Jonge". Et Chrestel hatt öfftech em Lade am Honichpott jeschneus. Dobei hatt et sech eimol veroode, weil et ous vesehn et Döppe met scharfem Mostet äwisch hatt. Do es et bröllend bei de Mama jerannt: "Mech hät en Bien en de Zong jestoche". Et Marie hat de Schull jeschwänz on de Mama bekoolt, on de Pitte, de älste, hatt sengem Vatte ein von senge Sonndaachs-Zijarre jefilz, die stekum en de Wöschköch jeflöpp on aanschließend en de Botz jedresse.
Su hatt jede met sech selvs ze doon, on meng Jruußeldere hatten ene ruhige, friedliche ieschte Weihnachtsdaach ohne Jezänks on ohne Kendejeschrei.
Am zweite Weihnachtsdaach jing meng Oma at fröh met ihre Kende en de Kerch, on de Opa zoch met sengem Schlidde ob de Poss, (domols woaren jo de Lääde on et Possamp och an Sonn-on Feiedääch ob) on Jott sei Dank, die Sendung von de Köllsche-Tant woa aankunn. De Opa hät dat jruuse Paket ob senge Schlidde jelade. Autos joov et jo domols noch kein, äwwe dofüe joov et em Wente vill, vill Schnii, on e es flöck met senge Laadung heim jezoore.
Wat woa dat ene Jubel, wie die Kende ous de Kerch heim kome.
Am Weihnachtsbaum dääten de Lichte brenne, on onnisch em Baum looch dat Pöppche, der Boukaste dat Peadsfuhrwerk on all die schön Saache die die Kende sech esu sehnlichs jewünsch hatte. Selvs de Tellere woaren widde nöü jefüllt.
Nou woa richtich Weihnachte.
Die Pänz han ous fruhem Hezze Weihnachtsledche jesonge, on jlöcklech met ihre Spillsaache jespillt, on all woaren se fess dovon üwwezeuch, dat et Chresskinnche noch ens kunn es, weil se am Daach vüeher esu braav woaren, on weil se morjens en de Kerch esu fromm jebett hatten.

.

.

Stand: 28.12.2011

Design: Reiner Bauer