.
© Maler-Galerie-Ulrich
Ahrweiler Mundart
-Sammelsurium-

-

E nöi Weihnachtsleed
von Gisbert Stenz

 

Et woer em Wente, am i-eschte Adventssonndaach 1685. En de Eifel hat hefteje Fros` enjesatz.

Reichlesch Schnie woer jefalle. An de Ovverahr, en Richtung Al­denahr, sooch me e Schmölzje von Musikante durch de Schnie tappe. Se woeren at fröh opjestanne on wollten op de Weih­nachtsmaat no Bonn. Durch dea starke Schniefall jingk et net esu flott vüran wie se sesch dat jedaach hatten.

Nomettaachs hatten se noch net ens de Hälef vom Wääch jeschaff. Et schneite an einem Stöck.

Langsam wuerd et dämmeresch on ab on zo, janz hänne, durch de Bäum sooch me at de Mond blinke. Die Kält jingk durch Rock on Kamesol. Su stappten die Fönef  vüer sesch hin, vürop de Kilian, ene lösteje Vurrel. Ea dät Trömmelche spille on konnt allerlei Kunststöckkelsche mät Kaate on anderem Krom. Dann kom de Lucca, ene jonge Italiener, der wunderschön Violin spille konnt.

Dä klein deck Lutz hat mät sengem Zimbal am meiste ze schleppe. Dä Veith bles die Trööt ous Zink, wat net liech woer. Zom Schluss jingk de schmächteje Thomas, der et Fleutsche spillt.

Ab on zo hüet me at ens ene leise Fluch. Nur vom Thomas huert me nix. Seit senge Jugend woere stumm, ene jewaldeje Schrecke hat im domols de Stemm veschlare. Deste besse spillt er de Fleut. Seng Kumpane hatten in jearn, weil er su jenüchsam on bescheiden woer.

Ene nöije Schniewirbel feng at widde ahn on se spueten jetz emme stärke de Kält on och e jewaldech Jrommele em Bouch füer loute Honge. Do schimmert op ei'mol durch dat Schniejestöber, janz en de Nöh, op en e kleine Anhüük e Kirchelsche am Rand vom Bösch, en Wallfahrtskirch an de Ahr. Kilian meint, do könnten se sesch onneschstelle on e bitzje opwärme.

Janz höösch maten se de Dür op on jingken leis en et Kapellsche. Die Roubeine woeren janz jeblendt von der feierfesche Stimmung drennen. An der eine Seit stond e Deschje met enem Kranz ous Tannejröns op däm vier jruuse, ruude Keaze stonten, ein dovon dät flackere. Op de andere Seit soochen se loute helle Wachslichte, die jetz vom Wendzuch flimmeten. Dat flackereje Licht leet dat farbeje Altarbild on die Finstemosaike bont schimmere.

Fürsichtesch schlechen die fönef Jeselle zom Altar on heften die klamm jefrorene Fengere üvve die Flämmsche. Keine säät jät. Ehrfürchtesch kickten se no der Mutterjoddes, on der Lucca meint, se dät im zolächele. Onwillkürlech nohm er seng Violin on baal huet me de schönste Melodie durch die Kapell klinge. Lucca woß selve net wat e spille dät. Die Kamerade hueten ahndächtesch zo. Dat Jesich von der Madonna schinn ze strahle, wie en Jungfrau en freudijer Erwartung.

No on no komen emme mie Löck leis en de Kirch. Se meinten se sööchten für em Altar e Bild ous enem Kreppespill. De Lucca on die Vier leeten sech net stüre. Der stumme Thomas dät plötzlesch e janz seltsam Jlöcksjeföhl spüre, senge Puls nohm die Melodie von der Violin op on bei däm Rhythmus feelen im Wöert von enem Leed en, dat e als Kend von senge Motte jeliert hat:

„O freudenreicher Tag,

o gnadenreicher Tag,

Maria auserkoren,

ein Kindlein hat geboren."

 

Die Leppe vom Thomas zidderten, die Wöert on die Tön stemmten plötzlech üvverenande, op ei`mol dät er murmele, bal konnt me leis on stockesch och die Wöert vestonn. Die andere Musi­kante woren baff erstaunt on woeren op de Knie jefalle, se konnten et net bejreife, dat de stumme Thomas die Sprooch widde fonne hat,
... E Wonde!! ...
Flott dät de Lucca seng Melodie
noch ens spille, dat nur jo nix velore jing. On de Thomas dät weide schwätze:

„Dies Kind ist Gottes Sohn,

kommt vom höchsten Thron,

Lasst uns dasselbe preisen,

ihm Lob und Ehr' erweisen."

 

Von dänne Einheimische en de Kapell hat sech ahnfangs keine jerupp on jeweech. Se bejreffen net, wat passiert woer, se ahnten ävve dat dat jätt Oußerjewöhnlejes woer. En kleine Jrüppsche fengen se ahn, die Wöert mät ze grummele. Ene Mannskearl mät fräde Stemm song ob ei`mol mät de Violin de Melodie mät on kuet drop klong dat janze Kapellsche. Dat woer ene Weihnachtschoral, dän noch baschtesch keine jehuet hat. Däm Lucca seng Melodie mät dänne Woert vom Thomas komen von Häzze on woeren zo Häzze jejange.


- E nöi Weihnachtsfeed ‑

De Schnie hat opjehuet. An de Honge dachten die Fönef net mie. Ergriffen on jepack von iouter Jlöck schlechen se dovon däm nächste Dörfje zo. Se ahnten noch net, dat se e nöi Volksleed,

e Weinachtsleed, erfonne hatten, dat baal en de janze Jäjend on drüvve erous jesonge wuet.

 

*sprich: ...oe... wie o-e; ...ei... wie e-i!

.

Stand: 26.12.2015

Design: Reiner Bauer